Diari Poetici Napoletani – Tiempe ‘e oggi e tiempe ‘e ‘na vota di Ciro Postiglione | 5
Tra figurine Panini, fumetti e ricordi d’infanzia, Ciro Postiglione mette a confronto inquietudini del presente e dolcezza dei tempi passati pensando ‘e tiempe ‘e na vota
di Ciro Postiglione
Tiempe ‘e oggi e tiempe ‘e ‘na vota
Nun saccio vuje, ma ‘e vvota ‘a capa mia
nun tene proprio voglia ‘e truvà pace.
M’aizo, po’ m’assetto e ‘a seggia mia
me pare ca m’abbrucia comm’ ’a bracia.
Piglio l’Inferno ‘e Dante e llà che lèggio?
Tanta ‘uaje e me sento ancora peggio.
Pure si me vulesse cunzulà
nun saccio ‘o Paraviso mo’ addo’ sta.
Lorenzo, mio nipote, ‘o piccerillo
quanne vene, me fa sentì tranquillo.
Oggi ha purtato l’urdemo Panini
e ‘nzieme ce azzeccamme ‘e figurine.
M’allicorde quann’ero cchiù guaglione
pe’ ‘sti bustine tenevo ‘na passione.
Addumannave a màmmema ‘a farina
pe’ fa cu’ l’acqua ‘a colla ‘int’ ‘a buattina.
Scagnave ‘e duppiune mje cchiù care
cu’ cocca figurina assaje cchiù rara.
Nun se truvava chella ‘e Pizzaballa
ca ‘nporta nun faceva trasì palla.
Doppo ca Lurenziello se n’è gghiuto
‘a jurnata pe’ mme nun è fernuta.
Me stenno ‘nu minuto ‘ncopp’ ‘o lietto
ma manco llà pozzo truvà arricietto.
Sfoglio allora ‘nu viecchio giurnaletto
addo’ sta ‘n’avventura ‘e bell’effetto,
cu’ dduje Rangers ‘e tantu tiempe fa:
Tex e ‘n’ato ‘e granda qualità.
‘Stu giurnaletto ’o tengo cunzervato
ìnziem’ ‘e ricuorde belle ‘r’ ‘o passato.
M’ ‘o prucuraje fratemo Brunillo
e ‘o tengo comme fosse ‘nu gingillo.
All’intrasatta me veco ‘uagliunciello,
comm’ero allora, tantu smaniusiello.
Cu’ ‘a mazza ‘e scopa ‘o posto ‘r’ o fucile
pazziàvo all’indiane ‘int’ ‘o curtile.
Pure si ‘o capo lloro era furzuto,
Cavallo Pazzo e po’ Toro seduto,
continuamente chisti puverielle
lassavano ogni vvota ‘nterra ‘a pella.
Forze pe’ cultivà ‘nu poco ‘e pace
pe’ nun m’arritruvà ‘ncopp’a ‘na bracia
m’avraggio allicurdà r’ ‘e tiempe antiche,
chilli tiempe c’ancora benerico.
Màmmema me diceva: “Neh, Girù!
nun aspettà vugliuso ‘a giuventù.
Quann’essa s’appresenta, allora sì
ca vularraje turnà ninno accussì!”
Una poesia lieve e nostalgica, in cui il confronto tra il presente e il passato diventa occasione per riaprire il cassetto dei ricordi. Tra figurine Panini, fumetti, giochi d’infanzia e l’affetto per il nipotino Lurenziello, Ciro Postiglione restituisce con ironia e tenerezza il desiderio, sempre umano, di ritrovare, almeno per un momento, la spensieratezza di quando si era bambini.
Se ti fa piacere leggere altre mie poesie clicca su Diari Poetici napoletani
Ciro Postiglione, nato nel popoloso quartiere napoletano del Mercato, dove ha imparato ad amare il gustoso dialetto partenopeo, si è laureato col massimo dei voti presso la Federico II, discutendo una corposa tesi di letteratura greca cristiana.
Collaboratore del prof. Francesco Sbordone durante le sessioni d’esame di Letteratura greca presso lo stesso Ateneo, ha successivamente insegnato materie classiche in diversi licei di Napoli e provincia, per poi concludere la propria carriera come dirigente scolastico a San Giorgio a Cremano.
Oltre a numerosi articoli di critica letteraria, ha firmato anche diverse recensioni e prefazioni ad opere di narrativa.
Attualmente sta curando la traduzione in italiano moderno di alcuni libri di Storia romana dello scrittore greco Appiano di Alessandria.
Recentemente ha pubblicato per i tipi della Medusa editrice un libro di grammatica e civiltà latina per la Scuola media, dal titolo Caro amico, ti scrivo …