Diari Poetici napoletani – ‘A mugliera ‘r’ ‘o tifoso di Ciro Postiglione | 4

Una moglie del tifoso racconta con ironia passioni, rabbia e speranze del marito napoletano davanti alle partite del Napoli 

di Ciro Postiglione

‘A mugliera ‘r’ ‘o tifoso

Marìteme va pazze p’ ‘o pallone,

sta sempe annanze a ‘na televisione.

Aiere se mettette a sbraità

contro a l’arbitro e contro ‘a Società.

“Guardate a chillu grande curnutone:

contra a nnuje ‘a siscato ‘a punizione!

Nun s’è nemmeno accorto ca ‘o terzino

ce ‘a rato ‘na ciancata aret’ ‘e rine.

 

Nun capisco comme ‘o Presidente

fa finta ca nun è succieso niente.

Si nun se move e nun se fa sentì

chisà chist’anne addò  jamme a fernì”.

 

Nun ve racconto quanne ‘o calannario

presenta ‘na partita straurdinaria.

Accummencia a parlà r’ ‘o lunnerì

e pure ‘a notta nun me fa durmì.

 

Si ‘o Napule se scontra cu’ ‘a Juventùs

è meglio ca me piglio ‘o filobùs

e vaco a casa ‘e figliame Paoletta

primma ca chillu spustato m’arricetta.

 

M’allicordo ‘a partita ‘e ‘n’anne fa

quanne ‘o scudetto steva p’arrivà.

All’urdemo minuto ‘nu pallone

ce facette venì ‘na cummerzione!

 

‘A partita già steva pe’ fernì

quanne s’appresentaje Koulibaly.

Cu’ ‘na capata forte e adduvinata

mettette dint’ ‘a porta ‘na lignata.

 

Int’ a chillu mumento se sentette

‘n’allucco forte comme a ‘na scuppetta.

Subbeto, int’ ‘a capa ‘e tutt’ ‘a ggente

‘o scudetto pareva già ppresente.

 

Ma vire tu, ca ‘na semmana aroppo

‘a speranza ca forze era già troppa

ce lassaje a Firenze cu’ nu’ schianto

e ‘o scudetto sparette mmiez’ ‘o chianto.

 

Nun ve dico però quanne va storta,

quanne ‘a palla nun trase dint’ ‘a porta!

‘O siente ‘e sbraità comme a ‘nu turco

pe’ tutt’ ‘o tiempo: “Ma che Pataturco!”

‘Ncopp’a tavula ‘o piatto ‘e vermicielli

pare arridotto comme a ‘nu maciello.

”Nun tengo cchiù appetito” (chesta è bella!)

“Se songhe rotte tutt’ ‘e guarattelle”.

Aggiu capito: ogge nun è ghiurnata,

piegammece ‘o libretto amariggiate.

Pe’ nun patì ‘na brutta ‘ntussecata

cercamme ‘e nun ciatà, stamme ciuncate.

 

Pe’ furtuna sentimme ‘e tuzzulià.

Arapo ‘a porta: è fratemo Sasà

ca dice: Prufessò, nun ce penzà.

All’Inter mo’ tre palle ce amma rà!

 

All’intrasatta ‘o tuosseco scumpare,

piglio ‘a tuvaglia e ‘a tavula appriparo.

Me pare c’appetito è riturnato

e ‘nu mumento doce s’è schiarato.

 

Rimetto a pposto tutt’ ‘e vermicielli,

ne facce chiena chiena ‘na tiella,

sbatte quatte ove e tanta muzzarella,

priparo ‘na frittata arruscatella.

 

Mentre mangiammo chistu bbene ‘e ddio

s’è già accuitata tutta ‘a casa mia.

Pure ‘o Napule mo’ (stanne sicuro!)

attaccarrà cu’ tutt’ ‘e giucature.

 

Una moglie esasperata, un marito divorato dalla passione per il Napoli e una tavola che diventa il teatro delle emozioni del tifoso: Ciro Postiglione racconta con ironia e ritmo popolare una quotidianità tutta napoletana, dove una partita può cambiare l’umore di un’intera casa.

Se ti fa piacere leggere altre mie poesie clicca su Diari Poetici napoletani

 

Ciro Postiglione, nato nel popoloso quartiere napoletano del Mercato, dove ha imparato ad amare il gustoso dialetto partenopeo, si è laureato col massimo dei voti presso la Federico II, discutendo una corposa tesi di letteratura greca cristiana.

Collaboratore del prof. Francesco Sbordone durante le sessioni d’esame di Letteratura greca presso lo stesso Ateneo, ha successivamente insegnato materie classiche in diversi licei di Napoli e provincia, per poi concludere la propria carriera come dirigente scolastico a San Giorgio a Cremano.

Oltre a numerosi articoli di critica letteraria, ha firmato anche diverse recensioni e prefazioni ad opere di narrativa.

Attualmente sta curando la traduzione in italiano moderno di alcuni libri di Storia romana dello scrittore greco Appiano di Alessandria.

Recentemente ha pubblicato per i tipi della Medusa editrice un libro di grammatica e civiltà latina per la Scuola media, dal titolo Caro amico, ti scrivo …