Diari Poetici napoletani – ‘O Cimitero viecchio ‘e Puceriale di Ciro Postiglione | 10

Nel Giorno dei Defunti, i versi del nostro poeta rievocano il Cimitero di Poggioreale, a Napoli detto Puceriale, attraverso i ricordi d’infanzia, gli affetti familiari e le figure illustri della Napoli del passato, in un dialogo intimo tra memoria e tempo

di Ciro Postiglione

‘O Cimitero viecchio ‘e Puceriale

Manco ‘r’ ‘o Cimitero ‘e Puceriale

‘a quanne amm’atterrate a don Pascale.

Trasènno penzeruso int’ ‘a Cungrega

me so’ sentuto strano, nun ‘o nnego.

 

Tra me e me, me songo allicurdate

‘e quanne ce venevo p’ ‘o passato,

‘o juorno ca era ‘a festa ‘e tutt’ ‘e Sante

e attuorno era ‘na gioia e no ‘nu chiante.

 

Màmmema ce accattava ‘e caramelle

e cocche vvote pure ‘e pastarelle.

M’allicordo ca zìtema Tettella

se fermava vicino ‘e bancarelle.

 

‘Na vota pe’ ‘na ‘nziria ca pigliaje,

tanto ca me sbattevo forte assaje,

m’accattàje ‘na bella trumbettella

(nun saccio si pe’ muorte è stato bello!).

 

‘O tram ce fermava là ‘e ‘rimpetto

e ‘na folla ‘e perzone p’ ‘o vialetto

scenneva e se fermava add’ ‘e sciuràre,

scegliènno chi vennèva menu caro.

 

‘A scalinata ‘e chistu Cimitero

pare chella ‘e ‘na reggia (chest’è ovèro!).

Ce sta chi saglia ‘a ccà e chi ‘a llà

e po’ cchiù ‘ncoppo stanno a se ‘ncuntrà.

 

Pe’ primma cosa mo’ me vene a mente:

ca steva ‘na sagliuta assaje tremenda.

Si nun te stive accorto attentamente

sciuliave e te struppiave malamente.

 

M’allicorde ca a ddestra ‘r’ ‘a sagliuta

mmiez’ a tanta cappelle scunusciute

ce fermavemo ‘nzieme cu’ mammà

e pe’ paricchio stevemo a guardà.

 

Tra sciure e frasche ‘a statua ‘e ‘nu signore

vestuto cu’ ‘a divisa ‘e jucatore:

era bello, pareva quase attore,

(nun saccio si era attaccante o difensore!).

 

Steva cchiù llà ‘nu grande monumento

addo’ se tratteneva tanta gente:

“Ccà trova requieterna finalmente

uno ca ‘a fatto sempe ‘o Presidente”.

 

Saglienno chistu viale assaje cchiù ‘ncoppo

‘a folla se faceva ovèro troppa.

Piccerillo cumm’ero, nun sapevo

addo’ ciuciulianno ‘a ggente jeva.

 

Mo’ saccio ca ce sta ‘na vasta zona

addo’ trovano pace assaje perzone

ca in vita ‘annu mustrato granne lustro

e pe’ chesto ‘e chiammàmme Uòmmene illustre.

 

Nun sapevo chi era Mastriani

e manco Raffaele Viviani.

Nun parlamme ‘r’ Eduardo Nicolardi

e nemmeno ‘e Saverio Mercadante.

 

Sulo Guglielmo Pepe je cunuscevo

pecchè fràtemo Bruno me diceva

ca a scola soja ca isso frequentava

proprio “Guglielmo Pepe” se chiammava.

Pe’ furtuna a chilli tiempe llà

tenevano tant’ anne pe’ campà

Totò, Luisa Conte e Tina Pica

e ‘nu sacco d’artiste ca nun dico[1].

 

Me piace ’nziem’a vvuje putè penzà

ca po’ Totò quann’è arrivato llà

‘a ‘ncuntrato ‘o marchese cu’ ‘o spazzino

e ‘nzieme ‘ann’ apparato ogne ccasino.

 

Comme a dint’ a ‘nu suonno stralunato

‘o ppresente se mmesca cu’ ‘o passato.

Annanze a l’uocchie veco tutto e niente:

tanti cumpagne e po’ tanti pariente.

 

Veco ca ‘a vita arrassumiglia a fummo

ca subbeto se scioglie e, comme ‘o sciummo,

a vvote va cchiù lenta, a vvote fuje

siggillànne ‘o destino ‘e tutte nuje.

 

La poesia di Ciro Postiglione restituisce al Cimitero di Poggioreale la dimensione di un luogo della memoria, dove i ricordi d’infanzia si intrecciano con gli affetti familiari e le figure illustri della Napoli del passato. Attraverso il dialetto, vivido e autentico, il poeta trasforma la visita al cimitero in un viaggio tra passato e presente, fino a una riflessione delicata e malinconica sulla fugacità della vita, sul tempo che scorre e sul destino comune di ogni essere umano.

 

Se ti fa piacere leggere altre mie poesie clicca su Diari Poetici napoletani

 

Ciro Postiglione, nato nel popoloso quartiere napoletano del Mercato, dove ha imparato ad amare il gustoso dialetto partenopeo, si è laureato col massimo dei voti presso la Federico II, discutendo una corposa tesi di letteratura greca cristiana.

Collaboratore del prof. Francesco Sbordone durante le sessioni d’esame di Letteratura greca presso lo stesso Ateneo, ha successivamente insegnato materie classiche in diversi licei di Napoli e provincia, per poi concludere la propria carriera come dirigente scolastico a San Giorgio a Cremano.

Oltre a numerosi articoli di critica letteraria, ha firmato anche diverse recensioni e prefazioni ad opere di narrativa.

Attualmente sta curando la traduzione in italiano moderno di alcuni libri di Storia romana dello scrittore greco Appiano di Alessandria.

Recentemente ha pubblicato per i tipi della Medusa editrice un libro di grammatica e civiltà latina per la Scuola media, dal titolo Caro amico, ti scrivo …

[1] Tra i tanti artisti napoletani, fiorenti a partire dagli anni ’50 e che oggi trovano riposo nel Cimitero di Poggioreale, mi piace ricordare, oltre a Totò, Luisa Conte e Tina Pica: Angela Luce, Nino Taranto, Tony Astarita, Enzo Cannavale, Ugo D’Alessio, Nunzio Gallo, Mario Merola, Roberto Murolo, Dolores Palumbo, Pasquale Squitieri e Nino Veglia.