Diari Poetici napoletani – Je vulesse truvà pace di Ciro Postiglione | 8
Diari Poetici napoletani – L’insofferenza di Ciro Postiglione di fronte alle notizie di guerre, politica e assurdità televisive, alla ricerca di un po’ di pace e di una via di fuga nell’ironia e nella musica https://wp.me/p60RNT-hEA
di Ciro Postiglione
Je vulesse truvà pace
Ogge vulesse truvà ‘nu poco ‘e pace
ma se capisce ca nun so’ capace:
facce ‘na cosa e po’ ne facce ‘n’ata,
me pare proprio ca nun è gghiurnata.
Miezu scucciate arape ‘nu giurnale
ca porta scritto proprio tale e quale
chello ca dice Trump, ‘o Presidente
cu’ chella faccia tosta e strafuttente:
“Ogge me vene ‘o sfizzio ‘e bumbardà
tutta chesta cumbriccula d’Allah!
Penzo ca quatto bombe ‘ann’ ‘à bastà
pe’ cancellà paricchie ‘e chisti ccà.”
“Aiere aggiu occupato ‘o Venezuela
ma l’aggiu fatto solo pe’ cautela:
avevo già saputo r’ ‘o ppetrolio
e m’aggio accaparrato ‘o monopolio!”
“Dimane, si nun se stanno accorte,
sapenno ca je a Castro nun ‘o supporto,
manne tre o quatte nave llà vvicino
e Cuba ‘a ridurragge ‘na mappina!”
“Ve dico ca Putìn è ‘nu bisciù,
pure si ‘o criticate sempe ‘e cchiù.
Mo’ ca tanta gasolio m’ ‘a prumiso
ce voglio fa ‘o cchiù bello ‘r ‘e surrise!”
‘Na stessa tarantella int’ ‘a tivvù
ca ce presenta ‘o schifo ‘r’ ‘e menù:
‘na vranche ‘e ggente inutile e frufrù
se pavuneggia e parla sempe ‘e cchiù!
“Ogge – fa uno – stateme a sentì:
ve voglio amabilmente suggerì
ca si vulite vivere cient’anne
nun v’ita strapazzà pe’ tutte l’anne!”
“Aiere – dice ‘n’ato – in Parlamento
annu vutate ‘n’atu emendamento”.
Ma tu si liegge bbuono ‘o documento,
capisce ca jà restà fesse e cuntento!
“Dimane – ce assicura ‘n’ato esperto –
amma tenì barcune e porte aperte,
pecchè ‘n’aria vullente arrivarrà
e comme ‘a cera ce po’ fà squaglià!”
Pe’ nun sentì cchiù ancora ati strunzate
ca me fanno parè scemo e abbunato,
subbeto astuto ambressa ‘a trasmissione
pe’ nun me fà venì ‘na cummurzione.
Penzo ca si me voglio divertì,
appiccio ‘o stereo e metto ‘nu ciddì.
Me sento ‘na canzona ‘e Sal da Vinci,
chella ca meglio ‘e tutte me cunvince:
Essa se sente sola e chiamm’ a isso.
Isso corre addù essa e, comme spisso,
‘ncopp’ ‘a vucchella soja che po’ verè?
‘N’ammiscanza ‘e russetto cu’ ‘o cafè!
E si po’ coccheruno storce ‘o naso
je nun ce faccio propriamente caso.
Mustrànno ‘a feda mia bella accussì,
canto pur’j’: Sarrà pe’ sempe “Sì”!
Con questi versi Ciro Postiglione racconta il bisogno di pace di fronte a un mondo assordato da guerre, proclami politici e parole vuote. Il poeta cerca rifugio nella musica, passando dalle inquietudini del presente alla leggerezza di una canzone, in un finale che restituisce spazio ai sentimenti e alla voglia di vivere.
Se ti fa piacere leggere altre mie poesie clicca su Diari Poetici napoletani
Ciro Postiglione, nato nel popoloso quartiere napoletano del Mercato, dove ha imparato ad amare il gustoso dialetto partenopeo, si è laureato col massimo dei voti presso la Federico II, discutendo una corposa tesi di letteratura greca cristiana.
Collaboratore del prof. Francesco Sbordone durante le sessioni d’esame di Letteratura greca presso lo stesso Ateneo, ha successivamente insegnato materie classiche in diversi licei di Napoli e provincia, per poi concludere la propria carriera come dirigente scolastico a San Giorgio a Cremano.
Oltre a numerosi articoli di critica letteraria, ha firmato anche diverse recensioni e prefazioni ad opere di narrativa.
Attualmente sta curando la traduzione in italiano moderno di alcuni libri di Storia romana dello scrittore greco Appiano di Alessandria.
Recentemente ha pubblicato per i tipi della Medusa editrice un libro di grammatica e civiltà latina per la Scuola media, dal titolo Caro amico, ti scrivo …